New Delhi, 07 November: Kartarpur Corridor laga inaugural ceremony nemide khali tui din he bachi kena thaga majode Congress leader Navjot Singh Sidhu para Thursday din External Affairs Minister S Jaishankar ke aro letter deshe. Letter deh toh hoile Gurdwara Kartarpur Sahib, Pakistan deh lok kuribo nemide permission debole kowah thakise.
Former Punjab minister koise, Central government laga approval bechide he Pakistan deh jabole bhabona ase. Hoilebe tai para hosiyar janaideya toh, judi MEA para letter ke jawab deya nai koile tai toh tusara Sikh devotee nesana Pakistan deh jabo.Poila Pakistan Prime Minister Imran Khan para Kartarpur Corridor laga inaugural ceremony nemide Sidhu ke invite kora thakise.
Inaugural ceremony deh thakibole mon howah Sidhu para letter toh hoile Punjab Chief Minister Captain Amarinder Singh aro External Affairs Minister S Jaishankar ke lekha ase.
Kartarpur Corridor para Punjab’s Gurdaspur district laga Dera Baba Nanak shrine aro Kartarpur Sahib Gurdwara, Pakistan connect hobole ase.
Poila Sidhu toh Kartarpur corridor laga ground-breaking ceremony deh thakise. Tai November 9 direk gurdwara deh lok kora thakibole ase.
2018 sal Navjot Singh Sidhu toh Pakistan deh jaa thakise aro tai Pakistani Army Chief General Qamar Javed Bajwa ke hugged kora thakise. Etu toh hoile Imran Khan laga swearing-in ceremony time deh thakise. Etu para be India deh besi kelaaf howah toh thakise.
Prime Minister Narendra Modi para Indian side laga corridor toh inaugurate kuribole ase aro tusara side laga route toh Imran Khan para khula thakibole ase.
Add Comment