Asian Archery Championships: Deepika Kumari Pora Gold Medal Chitise

Bangkok: Thursday te  Deepika Kumari aro Ankita Bhakat duijun  21st Asian Championships  laga final bonja biche te India khan archery’s women’s recurve  event te Olympic quota paise. Quota, toh  hoile bhi semi-finals te jaa somoy te pora hi pai kena dhakise. Deepika pora final te Antika ke 6-0 pora harai di kena gold medal chitise. Etu quota toh Indian Olympic Committee te jabole ase, World Archery pora janai dise.

Final te, Kumari pora suru pora hi led kuri kena straight sets te  (6-0) score 27-24, 27-26, 27-26 pora chitise.

Bhutan laga Karma aro Vietnam laga  Nguyet Do Thi Anh pora Rajamangala National Stadium  te bachi kena dhakiya duita  individual quota loise.

Last-four te, Bhakat pora Karma ke 6-2 pora harai dise aro  Kumari pora etu eki scoreline te pora hi Thi Anh ke harai dise.

Deepika pora Malaysia laga Nur Afisa Abdul Halil  7-2, Zahra Nemati (Iran) 6-4 aro local maiki  Narisara Khunhiranchaiyo 6-2 khan ke harai di kena semifinal clash te  Nguyet logot te log kurise.

“Moi khan pora pariya tak mehnat kuribole mon ase. Hoile bhi moi khan olap ake din te sorom khaise. Kintoh bishi dhakise,” Deepika pora koise.

“Moi khan aro ekta quota chitibole ektam echa dhakise. Moi khan boila laga sob bahowri dise. Ekta quota hoile bhi chitiya karne  Team pura ektam khushi te ase. Etu tournament toh moi khan karne ektam phal show dhakise.

“Etya World Cup next year laga Berlin stage  te pora team quota pabole omit ase,” tai pora koise.

Bhakat, pora ekta phale Hong Kong laga  Lam Shuk Ching Ada ke  7-1, Vietnam laga  Nguyen Thi Phuong  ke 6-0 pora aro Anastassiya Bannova (Kazakhstan) ke 6-4 pora harai di kena last-four battle te Karma laga khilaaf log kurise.

India laga trio Deepika, Ankita aro Laishram Bombayla Devi khan neutral flag laga under te khilise.

Etu toh men’s recurve team Tarundeep Rai, Atanu Das aro Pravin Jadhav khan pora etu sal olap ake te pophila  World Championships quota baa biche te India laga archery  te second Olympic quota ase.

2020 World Cup laga  Berlin stage toh archery karne sobse akri qualifying event ase.