New Delhi: Hockey India Disciplinary Committee pora Tuesday te 11 players aro duita team officials ke suspend kuri dise, 56th Nehru Cup finals te Punjab Armed Police aro Punjab National Bank majo te khiliya somoy te chamela pora rule ke khilaaf hoi kena dhakiya karne.
Jowa mohina dhakiya Nehru Cup finals te duita team laga players khan court laga bhitor te ladhi pora mari kena chakara khilise, aro etu ke Hockey India khan pora tournament organizers khan logot te detail khobor mangise.
Khobor aro Video evidence ke saa biche te, Hockey India Vice President Bhola Nath Singh pora chair kuriya committee, pora sob milai kena Punjab Armed Police ke 12-18 months karne aro Punjab National Bank ke 6-12 months karne suspend kuribole faisla loise.
” Committee pora Punjab Armed Police players Hardeep Singh aro Jaskaran Singh ke 18 months suspension dise aro Dupinderdeep Singh, Jagmeet Singh, Sukhpreet Singh, Sarvanjit Singh aro Balwinder Singh khan ke 11 december 2019 pora suru kuri kena 12 months karne Hockey India/ Hockey India League Code of Conduct laga under te Level 3 offence kuriya karne suspend kuri dise,” Hockey India pora janai dise.
“Punjab Armed Police Team Manager Amit Sandhu ke 18 months karne Level 3 offence kuriya karne suspend kurise aro Punjab Police Team khan ke three months suspension dise aro 10 March 2020 pora 9 June 2020 tak te All India Tournaments ekta bhi khilibole naparibo.”
Punjab National Bank laga Players Sukhjeet Singh, Gursimran Singh aro Sumit Toppo khan ke 12 months karne suspend kurise, team skipper Jasbir Singh khan ke six months karne suspend.
Punjab National Bank team manager Sushil Kumar Dubey ke bhi six months karne suspend.
Add Comment