KOHIMA, SEPTEMBER 15 : Ami kan desh laga Bapa (Father of Nation) laga 150th junum din nemite Raj Bhavan Kohima te 2nd October 2018 te manabole ase. Aro etu din naam porabi Mahatma Gandhi laga Philosophy aro Thoughts nemite Seminars kan bi ekta bhal Resource Persons kan pora manabole ase (organized) koise.
Etu khobor toh Governor of Nagaland, Shri PB Acharya pora janaidiya laga ase. Kedia Sorkar Officers kan Department of Higher Education laga, Nagaland College Principals Associations laga members aro Nagaland University Representatives kan logot Raj Bhavan te meeting mana time te. Etubi 15th September 2018 te. Etu time te tai (Governor) porabi Raj Bhavans kan ami kan desh laga sob jaka lag ate etu din nemite Programmes aro Seminars kan manabole ase koi kena janaise koise.
Nagaland Governor porabi Department of Higher Education logot Mahatma Gandhi laga ki-ki hisabte Quiz Competitions toh ami kan state laga sob Districts te manabole kuribi koi kena janaise. Aro etu Competition te hisha kura kan kun cheti (Winners) etu kan ke 2nd October, Raj Bhavan te enaam (prize) debo koise. Aro etu Programme te Kohima aro Dimapur laga College Students kan 250 jun nesena naam te anediya kan (selected) ahe kena thakibole ase koise.
Etu College Principals aro Sorkar Officials kan ke kotha kurikena Governor PB Acharya porabi UGC pora Colleges kan logot Bosti-bosti jaka te bhal te ahkete luijabole karne aro Social/Economic kan Bosti-Bosti jaka kan nemite bhal te ahkete luijabole karne bhal neum aro adat kan (guidelines) ulai kena ase koi kena janaide thakise koise. Aro tai bi Educational Institutions kan ke bhal te ami kan neju Society ahkete luijabole karne bhal te mon de kena kam julabole kuribi aro kam kuribole kuribi koi kena janaise koise. Etu oporte tai bi Students kan bosti-bosti jaka te jai kena alak-alak kotha kan kobi Health, Hygiene aro Environment kan laga bhal kotha janaidebole kuribi koi kena janaide thakise koise.
Add Comment