Rabat: Officials laga hesab para Morocco te hafta oper te 4,300 manuh novel coronavirus larai kuriboli laga nahoikena emergeny rules banga nemite dureshe.
Beshe para atha manuh khan tuh police hath te ase.
Country’s national security force DGSN koise, North African country te March moina te authorities khan para 28,701 manuh ke dureshe, 15,545 manuh tuh police hath te rakikena court te deshe.
COVID-19 bemar nepelibo nahoikena rules banga laga sajaa tuh 3 moina jail logote fine tuh 1,300 dirhams ($130) nohoile tuita be ase.
March 19 teh Morocco desh te public health state of emergency lagaishe, sob manuh nejor ghor bethor thakibo, permit thaka khan he bahar te kam kuribo. Aro jaa hafta authorities para public sob be face masks lagaboli koishe.Police aro security agents ke motob thekina seboy khan armored cars, road barriers aro control points, desh bora te control kuriase.
Morocco teh COVID-19 cases tuh 1,746 hoikena ase, 120 morishe aro 196 manuh khan tuh bhal hoise aro 7,000 neshina ke elach kuriase.
Country’s national security force (DGSN) koise, sob se manuh beshe thura kahn tuh desh laga economic centre Casablanca aro desh laga capital Rabat para ase.
Local media khobor kurishe, kam kuria manuh khan nemite isolation measures tuh sob se dhuk ase, manuh khan beshe howa karne. Bemar para Economic be down hoikena millions oper Moroccans khan kam para rokishe. Aro social database nathaka nemite authorities khan para dhukia manuh khan ke poisa aro khana deboli besari ase koise.
Add Comment