Moscow: July 19, 2020. Russia para etu saal pithor te 30 million doses COVID-19 vaccine bonaboli ase aro etu oper te 170 million neshina be bahar te bonaboli ase koikena head of the country’s sovereign wealth fund para Reuters logot koishe.
First human trial vaccine tuh, ek moina oper 38 manuh logot test kurikena etu hafta kotom hoishe. Researchers khan para test tuh safe ase aro immune response be bhal ase hoilebi tai
Tagot laga response tuh unclear ase hoishe. Russian Direct Investment Fund (RDIF) laga head, Kirill Dmitriev para koishe ke, Phase III trial tuh tangor kurikena etu samay thousand manuh logot kuribo aro etu August moina te bhapana ase.
“ami khan besas as eke, atai laga result tuh Russia te August moina te approved hobo aro dosura desh te September moina te hobo..aro etu vaccine tuh duniyaa te first approved kora hobo, koikena tai Reuters ke kowah ase. Olop din ake te, Russian defense ministry para koishe ke, tai khan para “safe” coronavirus vaccine olaishe. Ministry hesab te, research kora samay 18 manuh khan para participated korikena eku serious nahoikena discharged hoishe aro health complaints, complications nahoile side effects eku thakai nai” Statement ekta te, ministry koishe ke, trail laga result para “ami khan ke confidence para vaccine tuh safety ase aro good tolerability ase koboli parey”. Sob melaikena 100 neshina vaccines olaikena bemari ke rokaboli koriase koishe. World Health Organization laga data hesab te, tuita(2) vaccines tuh final Phase III human trail te ase—ekta tuh China laga Sinopharm ase aro dosura tuh University of Oxford khan para koriase koishe. Vaccine bona manuh (producers) khan tuh dhuk paiase ke, duniya phur te desh sob te laki thaka tuh kenaka bonabo bhapana koriase koishe.
Add Comment