China: Bhutan laga Wildlife Sanctuary tuh China laga ase koishe

July 22, 2020. India logot tension thaka samay, China para aro Bhutan laga Sakteng Wildlife Sanctuary tuh China laga ase koi ase. Chinese laga foreign ministry spokesman Wang Wenbin, para reporters khan ke koishe, China aro Bhutan laga border tuh alak-alak kuriboli ase. Tai koishe ke, “China laga position tuh boila neshina aro clear ase. China aro Bhutan laga boundary tuh aro fesila howah nai etu nemite middle, eastern aro western chaka te jamila ase”. Tai aro koishe ke, jamila thaka fesila hobole tuh China khan para “package solution” thi-ase. Hoilebi China para issue ekta koishe ke, Bhutan laga Trashigang district te India aro China border osor tuh jaa saal Global Environment Facility (GEF) meeting samay etu chaka tuh thiboli mananai, aro koishe ke chaka tuh jamila te ase koishe. Council para China para objection kora tuh record kuriboli echa kora nai. Bhutan government para GEF council logot formal letter te Bhutan laga sovereignty aro territory te  Sakteng Wildlife Sanctuary nemite sawal kora tuh  council’s session thaka samay kelaff korishe. Bhutan papra GEF council logot Council laga documents te China para mesa-mesi claim kora tuh sob hatai thiboli koishe. Bhutan are China pithor te border laga jamila thaka tuh 1984 saal para thakina ahiase. Tuita capital, Thimphu aro Beijing o pithor te jamila thaka tuh tinta(3) chaka te ase, tuita(2) North Bhutan te ase aro ekta tuh West Bhutan te ase koishe.