July 22, 2020. China para koishe ke, United States para China laga consulate Houston te thaka tuh bondh kuriboli order thishe aro etu para International law ke beya kori koishe. Etu samay United States paa eku conformation nohoile explanation deya nai. Chinese laga foreign ministry spokesperson Wang Wenbin para koishe ke, Wednesday din te United States para China laga consulate te kam kuri thaka sob rokiboli demand kurishe. Tai koishe ke, “ sorom laga kotha oper te nem natha-kena kam kora tuh China-U.S. relation te beya hobo” koikena China para tangor botnam thishe. Chinese laga Foreign ministry spokesperson Wang Wenbin para etu action tuh botnam kurishe, aro etu nemite te Duniyaa laga sobse tangor economies tuita pithor te bhapana te olai thishe. Tai para warn thishe ke, joti United States para tai khan decision tuh wabas naloile jawab thiboli koishe. “Houston te thaka China laga independent consulate general ajanak para bondh kuriboli kowah tuh China nemite thik nai,” koikena Wang para daily news briefing samay koishe. Etu samay, United States laga side para eku jawab thakanai koishe.
Houston te media khobor para koishe ke, authorities khan para consulate te jui olaishe koishe. Witnesses para koishe ke, manuh khan para dusbin te paper julai thakishe, koikena Chronicle para Police para khobo deya janaishe.
Add Comment