DELHI, SEPTEMBER 16 : Nagaland State Legal Services Authority (NSLSA) kan Supreme Court Mediation aro Counciliation Project Committee (MCPC) logot Delhi Judicial Academy te 11 pora 15 September, 2018 dak 5 Din 40 Khuntha Mediation Training manaise. Etubi 18 in-Service Judicial Officers, Retired Judicial Officers aro Advocates of Nagaland kan nemite.
Etu MCPC Trained Potential Trainers kan toh Harish Dudani, Judge Trainer, B. Shrikumare, MCPC Trained Potential Trainer, Sachin Jain, MCPC Trained Potential Trainer, Dr. S. Padma, MCPC Trained Potential Trainer aro Seema Pasricha, MCPC Trained Potential Trainer kan thakise.
Etu Training te ki-ki mana toh Trainees kan pora mana, katha Video clips kura, kotha kura (interaction), chamala nemite saa (case studies) aro Power Point presentation kan manai kena thakise koise. Aro etu Training te bi alak-alak Topics kan Conflict Management aro Resolution, mediation process, mediation aro conciliation rules, impasse : understanding aro management aro tusera kan hisabte manai kena thakise koise.
Etu din te sob Trainee Mediators kan etu Training nemite bhal te mana pora khushi baa janaise. Aro etu nesena kun huilebi ahebole din nemite sheik kena rakhibo lagaa laga ase koi kena janaide thakise koise. Kele etu Mediation Training laga bhal kam porahi ki-ki chamala kan nemite kotha pora chakara hua time te bhal hobo aro pachabole baribo koi kena.
Etu Mediation toh Section 89, Civil Procedure Code laga pora ulai kena mana laga ase. Aro etu toh ki-ki chamala nemite kotha pora chakara hua ke saidebole karne ase koise. Aro etu bi ekta Alternatives Dispute Resolution Mechanism (ADR) laga chis ase. Aro etu chis toh Arbitration, Lok Adalat, Conciliation aro Judicial Settlement hisabte alak ase koise. Huilebi Alternative Dispute Resolution (ADR) toh chakara ula ke informally aro Confidentially pora saidebole laga ase koise.
Add Comment