KIPHIRE, SEPTEMBER 16 : Nagaland Governor, Shri PB Acharya toh Kiphire District te 19th September te jabole nesena ase. Etu pora Kiphire District, Deputy Commissioner’s Conference Hall te 15th September 2018 te meeting manaise koise.
Etu meeting te Governor ahebole hua karne kinika etu bhal (important) din te kinika kuribo etu kan kotha manai thakise. DC Kiphire, Mohammed Ali Shihab, IAS pora koa ke Governor toh tai neju hi ami kan Kiphire district nemite ekdam husir pora ki-ki bhal nemite babuna kuri ase. Aro tai (Governor) ahe kena ami kan District manu kan ke kotha kuribo aro ami kan district te ki chamala kuride kena ase etu kan nemite bhal pora sabole kuribole ase koi kena janaide thakise.
CMO Kiphire porabi meeting te Medical Team kan ke tai aha time te thik pora ki-ki pora saide kena motub kuribole kuribi. Aro Developmental Department kan kebi etu time te ki-ki khobor kan ami district te hui ase etu kan sob janaidebole kuribi koi kena janaise.
Governor Acharya Kiphire District te ahe kena Zisaji Presidency College, District Jail, District Hospital & Government Higher Secondary School, Kiphire aro ami kan district te kiman ta mati kerikena ase etu jaka te sabole berabole ase aro ahebole ase koi kena janaide thakise. Aro etu oporte Public, NDOs aro Tribal Bodies kan ke kotha hutha-huthe kuribole (interview) karne bi opai debole ase koise.
Add Comment