China para US laga consulate Chengdu bondh kuriboli koishe

Beijing: July 24, 2020. United States para China logot kowah nemite, China para be United States ke tai khan laga consulate Chengdu te thaka tuh bondh kuriboli koishe. Etu kotha tuh desh tuita laga pithor te political relation olop din nemeli-kena thaka nemite ara koishe. United States para olop din ake China laga consulate Houston, Texas te thak tuh bondh kuriboli koishe. Tuesday din te, Trump laga administration para Houston consulate logot 72 gonda pithor te bondh kuriboli order thikena thakishe. United States para botnam thishe ke, Chinese agents khan para Texas te aro Texas A&M medical system laga data tuh chor kuriboli kori ase koishe. United States be Beijing te embassy ase aro consulates tuh pasta(5) mainland cities— Shanghai, Guangzhou, Chengdu, Shenyang aro Wuhan te ase. Aro Chinese territory te US laga consulate tuh Hong Kong te be ase koishe.