Bangladesh te underwater tunnel laga kam bhal para jaiase

 August 4, 2020. Bangladesh laga bhapana kura neshina Chattogram te $1.2 bn underwater tunnel project tuh COVID-19 bemari thaka samay te bhal para jai-ase koishe. Monday din te officials para koishe ke, left line laga section tuh connect koru komti hoishe. Four-lane tunnel tuh Bangladesh te first time ase aro etu Karnaphuli river oper te bonai ase aro lamba tuh 9.092 km thakibo aro 3.50 km paani pithor te hoikena 4.89 km tuh rasta majot te 740 metre bridge para  Chattogram city aro western side laga Karnaphuli te jobo koishe. Etu tunnel para Asian Highway Network, logot  tangor contribute kurikena improvement ane debo, etu ekla nahoikena Bangladesh aro osor thaka desh majot te tangor connectivity hoi thibo. Tunnel laga section te tuita -tube, charta- rasta te bonai ase, aro etu kotom hoile, Chattogram chaka laga traffic tuh besi aram hobo aro etu para aro  Bangladesh laga economic tuh oper othibo, koikena Monday din khobor para janai thishe. Project nemite saman( machine) tuh China para anikena kam kura chaka te ase. Etu project aro Bangladesh laga dosura chaka neshina — Dhaka-Chattogram-Cox’s Bazar national highway network tuh connectivity tuh bhal wala hobo koikena officials para koishe. Chattogram port city te project tuh China laga Communications Construction Company Ltd para kam tuh kuri ase koishe. Tunnel para tuh Chattogram tuh ‘One City Two Towns’ hobole kuri ase. Bangladesh Prime Minister Sheikh Hasina aro Chinese President Xi Jinping, melaikena project nemite foundation stone tuh October 14, 2017 saal te rakishe. Jaa saal February moina te, Hasina para 3.5-km Bangabandhu Sheikh Mujibur Rahman Tunnel laga kam tuh inaugurated kurishe aro etu tuh desh laga first Karnaphuli river, Patenga, ase. Etu tunnel para Chattogram aro Cox’s Bazar laga rasta tuh osor kuri thibo aro etu oper te Dhaka-Chittagong Highway laga traffic be komti kurikena aro Karnaphuli river oper te traffic be komti hobo koishe.