WHO para coronavirus vaccine tuh guarantee nai koishe

Geneva: August 7, 2020. Duniyaa sob te coronavirus vaccine tuh safe aro efficient paa bonaboli kam kuriase aro alak-alak vaccine laga candidates tuh clinical trials laga late stages te ase koishe. World Health Organisation para shanty thakibole koishe ke, late-stage trials kuri thaka tuh vaccine olaboli osor te nahoi. WHO Executive Director Mike Ryan, para virtual panel te kotha kowah samay koishe ke, “Phase three tuh osor te nahoi”. Phase three mani vaccine tuh first time nemite general population te thalishe nohoile heakthy manuh ke vaccine para pachai-kena raki naa nai”. Dr Ryan para koishe, phase 3 human trials te companies neshina Pfizer, Moderna aro AstraZeneca laga 6 potential vaccines laga kotha kura ase. Etai dak te, sob trials tuh safety te saiase aro manuh olop logot vaccine para  immune tuh olai ase koishe. “etu tuh gate neshina ase tai khan pithor te jabole lage. Aro etai race hoikena vaccine para manuh besi logot protect ase demonstrate kuriase. WHO laga Director-General Tedros Adhanom Ghebreyesus para koishe ke, “ami khan vaccine ase kuboli napare. Thakiboli be parey nathakiboli parey.” Dr Tedros para koishe, besas ase ke scientist khan para safe aro effective vaccine tuh olabo, hoilebi guarantee nai. Khobor alak-alak para vaccine tuh etu saal nohoile aha saal olabo parey.