Headlines

Governor pora mura aro junum din nemite kotha janaise

September 17, 2018

KOHIMA, SEPTEMBER 17 : Nagaland Governor, PB Acharya pora Shri Neiphretuo Metseio muraidiya karne ekdam khilaf kurikena kotha janaise (Condemn). AAro etu chamala nemite tai bi besi asurid aro mondukh baa janaide thakise koise.

Tai etu Neiphretuo Metseio toh ekta bhal (Sincerer) Police Officer ase. Aro tai tai laga jeevan te ami kan state laga manu kan nemite besi dukh kurikena pachaidebole aro bhal kuridebole kurikena thaka laga ase. Aro tai laga bhal nemite ami kan sob mon dangor ase aro khushi bai ase koi kena janaide thakise.

Tai bi etu hamla kurikena muraidebole kura toh ekdam thik nai. Aro etu nesena chamala toh ami kan jaka te kedia bi nahobo lagi aro laga ase koi kena janaise. Aro etu nesena chamala te kun melekena thaki etu kan ke thik pora husir laga saja debole lagi koi kena janaide thakise. Aro etu Officer mura nemite tai bi besi mondukh baa (condolences) kan etu mura khor manu kan janaise. Aro tai bi Isor ke etu nesena chamala aro diktar time te sabole kuribi koi kena mon te prathana kura janaise.

Etu bejete tai bi Security Forces kan etu Officer mura manu kan thuri baa nemite besi khushi baa aro ekta mon shant hua janaise. Aro etu nesena nahua manu kan ke ki huilebi kanoon hisabte thik pora nachari kena saja debole kuribo lagi koi kena janaide thakise.

Nagaland Governor, PB Acharya bi Prime Minister Narendra Modi ke junum din nemite khushi kotha janaise (greets). Etubi PM Modi laga 68th junum din nemite Nagaland state laga naam pora. Etu ke tai kotha lekhe kena batai kena Prime Minister ke tai etu sal toh tai (PM) laga junum din toh tusera Din (event) kobi “Viswakarm Day” kebi melekena thakibole laga hisabte huise. Aro etu toh ekta alak lagi ase koi kena janaide thakise. Tai bi PM Modi ke lamba pora aro kao bhal pora thakibole kuribi. Aro etu pora ahebole laga sal-sal majutte ami kan Desh aro Motherland ke bhal te ahkete luijabole kurikena ekta Vishwa Guru nesena banaidebole kuribi koi kena janaide thakise. Aro tai bi ami kan sob tai (PM) nemite besi khushi bai ase aro mon dangor pora thaki ase (proud) koi kena janaide thakise.