August 11, 2020 : Mizoram opposition parties- Congress and BJP para Monday te state election commission (SEC) aro state government ke etu ahibole thaka village council aro local council poll toh diri kuribole nimete janaishe etu bi state te coronavirus cases toh bishi utha nimete.
Aizawl, te reporters khan logote kotha kura samay te Congress spokesperson aro media department chairman Dr Lallianchhunga para koishe ki Mizoram te Covid-19 cases bishi uthi ase etu te aro bi nutun cases khan hudai olai ase.
Tai koishe ki state toh ekta situation te ase kuntu te kitia hoilebi community spread hobole pareh.tai koishe ki”ami khan koi thaka toh Covid-19 pheli thaka samay te election lobole thaka toh thik nai kile koile toh bishi waala vote diya manu khan toh polling nimete ahibole mun nathakibo.
Lallianchhunga koishe party para SEC aro state government khan ke tai khan laga decision toh review kuribole janaishe aro ahibole thaka local body polls toh diri kouribole nimete etu bi covid-19 aro public health khan saikena.
Congress para aro bi SEC ke koishe local council polls toh nalobole nimete village council polls logote.
State BJP president Vanlalhmuaka para bi state government aro SEC khan ke koishe local body polls August 27 te lobole thaka laga decision Covid-19 spread te lobole thaka toh bodli kuribole janaishe.
Tai koishe elections luwa toh enika pandemic samay te aro bi biya hoijabo.leader para mondukh janaishe ki state government khan toh involve thakishe pareh etu local body polls laga announcement te pandemic samay te .
Tai koishe “BJP khan etu chamela toh chanbin kuribo aro tai khan findings toh Union Home Ministry aro state election commission ke dibo.”
Vanlalhmuaka para arobi Mizo National Front (MNF) government chief minister Zoramthanga para head kura ke khilaaf kurisb Tripura laga Bru voters ke village council rolls te anidiya nimete.
Tai para state government ke measures khan lobole janaishe etu bi Bru voters khan ke joldi hi state electoral roll para hatabole nimete.
Etia state election commissioner Laima Chozah koishe ki ahibole thaka polls toh august 27 laga darek toh lobo order khan napaa tak.
Bru voters nimete ekta election official para aro bi koishe tai khan ke state electoral roll para hataidebo ekbar tai khan Tripura te enrol kurishe koile toh aro Election Commission of India ke etu nimete khobor diya pichede.
Nomination file kurile laga last darek toh village aro local councils polls nimete august 11 ase aro candidature khan olabole nimete last darek toh 13 august ase.
Vote counting toh August 27 te lobo polling khotom huwa logote.
Add Comment