Vaccine Sputnik V, ola nemite WHO para Russia logot contact kuri ase

Geneva: August 12, 2020. Russia para Duniyaa te first COVID-19 vaccine ola nemite World Health Organization (WHO) para Russia logot contact kuri ase koikena WHO laga spokesman paa janai thishe. “ami khan Russian health authorities khan ke contact kuri ase aro vaccine nemite WHO para pre-qualification kotha koi ase, WHO spokesman Tarik Jasarevic para Tuesday din virtual press briefing samay kowah tuh Xinhua news agency para khobor thishe. “vaccine laga pre-qualification tuh bhal para saikena aro data tuh clinical trials samay safety aro efficacy hobo lage” aro etu WHO level te koishe aro etu kam tuh sob vaccine candidate logot eke hobo. “sob desh te be national regulatory bodies ase aro tai khan para nejor chaka te vaccines nahoile drugs tuh joboli approve kuri,” tai koishe. Vaccine bona manuh khan para WHO logot pre-qualification tuh mange keli koile, etu seal of quality neshina ase” koishe. Tuesday din te, Russian President Vladimir Putin para koishe ke, tai khan laga desh tuh Duniyaa te first novel coronavirus kelaaf te vaccine registered kurishe. Putin aro koishe, tai besas ase ke vaccine tuh Russia te registered hoikena aha din te besi bonabo aro desh te vaccine tuh manuh sob logot paboli koishe. Russian Deputy Prime Minister Tatyana Golikova para koishe ke, vaccine tuh August moina nahoike September moina te bona soruh hoboli besas ase aro etu samay health workers khan ke boila vaccine tuh loboli koishe.