Bangladesh te pithor manuh thurishe

August 12, 2020. Tuesday din Bangladesh te counter-terrorism team khan para Neo-Jama’atul Mujahideen Bangladesh laga 5 jun pithor manuh thurishe koishe. Police para koishe ke, pithor manuh khan para desh te tangor hamla kuriboli planning kuri thakishe. Dhaka Metropolitan Police’s Counterterrorism and Transnational Crime (CCTC) deputy commissioner Saiful Islam koishe ke, CTTC team khan para pithor manuh ke tuh Sylhet chaka para thura khobor tuh janai thishe aro etu manuh khan ke sawal kuribo nemite capital Dhaka te loikena ahishe. Thura manuh pithor te, tuita(2) manuh tuh Sylhet chaka, Shahjalal University of Science and Technology laga students ase aro ek jun tuh Sylhet, Madan Mohan College laga student ase koikena Sylhet laga police officials para koishe. Etu pithor manuh khan tuh Sylhet chaka te Naimuzzaman para led kurikena thaka ase. Islam koishe ke, police para narokina operation thaka nemite pithor manuh khan tuh tangor hoboli napareh aro tai khan para tangor hamla ne kuriboli napareh. Islam koishe ke, 5 jun thura manuh khan para  Naogaon temple te Eid nahowa samay Dhaka te police laga motorcycle te bomb thali deya manuh khan thakishe. Pithor manuh khan para tuh Sylhet te Shahjalal chaka tuh hamla kuriboli planning thakishe, koikena police para koishe. Islam koishe, “etu manuh khan tuh dosura samay te hamla kurishe nai sai ase”. Sylhet laga police official para koishe ke, Dhaka para police special team khan para Mirabazar, Tukerbazar aro south surma chaka te check kurishe, etu samay tuh Sunday rati aro Tuesday pujur te kurikena 5 jun oithor manuh ke thurishe. July 25 darik te, capital osor Paltan chaka te bomb botai thishe, hoilebi etu hamla te kuan be jokom paa nai koishe. Etu blast nemite Paltan police station te case tuh registered kurishe. Shah Jalal tuh Bangladesh laga Sylhet chaka te 700 saal laga Sufi shrine ase. January 2004 saal te, Harkat-ul-Jihad al-Islami of Bangladesh (HUJI-B) khan para grenade hamla kurishe.