Latin America te 6 million COVID-19 cases hoishe

Santiago: August 15, 2020.Latin America tuh Duniyaa te sobse beya coronavirus bemar hoikena ase, tai khan chaka te Friday din dak te, bemari cases tuh 6 million oper hoikena aro othiase koikena Reuters laga tally para koishe, aro desh besi te  lockdown tuh komti kuriase koishe. Etu chaka te sath(7) din pithor te notun coronavirus bemari laga average khobor tuh hotai 86,000 neshina ase aro COVID-19 bemar para 2,600 oper manuh morishe. Friday din dak te  bemari cases tuh 6,000,005 paikena ase aro 237,360 manuh morikena ase. Etu hesab te, tai khan laga cases tuh Duniyaa pithor laga one-third neshina ase. Pan American Health Organization tuh World Health Organization laga regional arm ase aro tai khan para warn thishe ke, etu moina dosura bemar othibo pareh keli koile bemari nemite health services khan alak hoi jaishe aro hotai vaccination campaigns tuh nathaka hoishe. International Monetary Fund khan para June moina te hoboli ekta koishe ke, etu saal regional economy para 9.4% contact lobo. Latin America pithor te Brazil tuh sobse beya bemar para lakina ase, Duniyaa te United States beche Brazil ase koishe. Peru aro Chile te be bemari cases tuh besi hoikena 100,000 cases neshina hoikena ase. Tai khan laga desh te 5 million cases para 6 million othiboli tuh kali 11 din he loishe koishe.