Donald Trump laga bhai morishe

August 16, 2020. United States President Donald Trump laga bhai Robert Trump, 71 umer te morishe. Tai tuh New York te hospitalized hoikena Saturday rati te morishe koishe. Friday te President para tai laga bhai ke New York hospital te lok kurishe. White House para koishe ke, tai tuh besi bemat thakishe. Robert Trump tuh ke para morishe Officials khan para janai deya nai. “mon besi bhari hoikena share kuriase ke, ami laga bhal bhai Robert Trump tuh aram para aji rati jaishe” koikena Donald Trump para statement te koishe. Tai ke besi miss kuribo, hoilebi ami khan aro lok kuribo. Tai laga memory tuh hotai ami laga mon te thakibo. Robert, ami besi morom ase. Rest in peace”. Trump laga family te sobse horu wala ase aro tai tuh Donald Trump besi close thakishe. Robert Trump tuh hospitalized hoikena intensive care unit(ICU) te besi din thakishe. Tai jun be besi din nemite businessmen thakishe, Robert aro Donald laga neem tuh alak ase. Donald Trump para koishe ke, tai laga bhai tuh “besi thanda aro ami neshina halka manuh ase”, aro moi laga life te tai logot he ‘honey’ mathi thakishe. Robert Trump laga jeevan tuh Wall Street te corporate finance te kam kurikena soruh hoishe, hoilebi etu beche family business te jaishe aro tai khan laga mati te sobse tangor executive hoikena Trump Organization tuh sai thakishe. “ami khan Trump Organization te kam kura samay, tai ke nice Trump mathishe,” koikena Trump laga family biographer Gwenda Blair para Associated Press logot koishe. “Robert tuh ekta thakishe ke, joti manuh dhuk hoile tai para motob kuri thakishe”.  Robert Stewart Trump tuh 1948 saal te jonom paishe, tai tuh New York City real estate, 5 jun pithor te sobse horu wala ase koishe.