Moscow: August 20, 2020. Russian laga opposition leader, Alexei Navalny toh hospital te ventilator thakina intensive care unit(ICU), Siberia te ase koishe. Tai toh flight te jaa samay bemar hoishe aro tai logot suspect kura toh poison hoishe, koikena tai laga spokeswomen para Thursday pujur te janai thishe. 44 umer toh Russian President Vladimir Putin laga dusman ase, aro tai toh Siberia district, Tomsk para Moscow te wabas flight te jaa samay hoishe, koikena Kira Yarmysh para Twitter te koishe. Tai para koishe ke, plane toh Omsk, Siberia te emergency rokishe aro Navalny toh “toxic poisoning” hoishe. “Tai toh coma te muribo neshina ase” koikena Yarmysh para twitter te koishe. Tai para Echo Moskvy radio station logot koishe ke, Navalny toh bosna besi olai thakina tai logot kotha kuboli koishe, keli koile tai aawaz te mon thiboli. Etu beche tai bathroom te jaa beche yaat kora jaishe. Yarmysh para koishe ke, Navalny toh pujur te chaa kaa beche hoishe. “ Doctors para koishe ke, poison toh gorom pani te jolti kam loishe, aro Navalny laga team para police logot hospital te matishe. Russia laga state news agency Tass para koishe ke, Navalny toh moriboli neshina te ase, koikena hospital te doctors para kowah janai thishe. Jaa saal be, Navalny ke administrative para thurikena thaka samay tai ke jail para hospital te loikena jaishe, etu samay be poison kura suspect thakishe. Doctor para koishe ke, etu beche tai logot allergic hoikena tai ke aro jail te botaishe. Echo Moskvy logot interview thaka samay, Yarmysh para koishe ke, tai ke poison kura suspect toh etu saal regional election campaign nemite ase. Navalny’s foundation laga lawyer, Vyacheslav Gimadi para janaishe ke, team khan para Russia’s Investigative Committee logot koikena criminal besaribe koishe. Thursday din, Gimadi para koishe, “ami khan besas ase ke Navalny logot poison kura ase keli koile tai political te kam kura nemite”,
Add Comment