Russia, India melikena COVID vaccine olaboli sai ase

New Delhi: August 21, 2020 Russia para India logot melikena COVID-19 vaccine Sputnik V, olaboli sai ase koikena Russian Direct Investment Fund (RDIF), CEO, Kirill Dmitriev para Thursday din te janai dishe. Russian President Vladimir Putin para junaise ke, tai laga desh para COVID-19 vaccine toh first bonaishe aro vaccine toh bemar nemite “quite effectively” aro “stable immunity” ase koishe. Sputnik V toh Gamaleya Research Institute of Epidemiology and Microbiology aro RDIF para bonaishe koishe. Etu vaccine toh aro Phase  nohoile tangor clinical trials kuranai. Online press briefing samay Dmitriev para koishe ke, besi desh khan para vaccine bonaboli interested ase aro desh khan toh Latin America, Asia aro Middle East ase. “vaccine bonaboli kotha toh besi important ase, etai samay, ami khan India logot partnership kuriboli sai ase. Besas ase ke, India para Gamaleya vaccine bonabo parehbo aro important ekta toh melikena demand kuri thaka toh thiboli parehbo” tai koishe. Dmitriev aro koishe ke, Russia toh international cooperation nemite sai ase. “ami vaccine clinical trials toh Russia te he nakoikena desh neshina– UAE, Saudi Arabia, Brazil aro India te be loboli ase. Ami khan bhapana te vaccine toh aro 5 desh oper te aro bonaboli ase aro desh neshina Asia, Latin America, Italy aro dosura Duniyaa te besi demand ase”, tai koishe