Jolo, Philippines: August 24, 2020. Monday din southern Philippine island te Islamist militants khan para suicide hamla te tuita(2) bomb botaikena komti hoilebi 10 jun manuh morishe aro 12 jun neshina jokom paishe, koikena officials para janai thishe. Hamla kora toh Jolo Muslim-majority Sulu chaka te hoishe. Etu chaka toh government security forces khan para Abu Sayyaf group logot besi thiri para larai kurikena ahiase. First blast te, pasta(5) sepia aro charta(4) civilians morishe, etu samay bomb toh motorcycle te thalina supermarket bahar para botishe, koikena Lieutenant General Corleto Vinluan para reporters ke koishe. Etu samay , blast te 16 sepia jokom hoishe aro etu din te howah ase koishe. Civilians khan 20 jun neshina be jokom hoishe, koikena Lieutenant Colonel Ronaldo Mateo para local mayor ke koishe. Etu olop beche second blast toh eke street te botishe, etu samay suicide maiki para hamla kurikena tai nejor bomb para orai thishe. Police para chaka toh bondh kuri thishe. Eke jun morishe aro 6 officers neshina jokom paishe koikena Vinluan para janai thishe.
Add Comment