Moscow: August 24, 2020. Siberian hospital laga Doctors kuan para first Russian opposition politician Alexei Navalny ke elaj kurishe, Monday din doctors khan para jaan pachaise. Hoilebi, tai khan loishe ke, Navalny laga body te eku poison paa-nai. Navalny toh besi samay para President Vladimir Putin laga dusman ase aro tai jaa hafta Thursday din te bemar hoishe aro besas ase ke tai logot poison kelaise, etu nemite Saturday din te elaj kuriboli plane para Germany te loikena jaise. “ami khan Navalny ke besi dhuk aro tangor kam para pachaise” koikena head doctor Alexander Murakhovsky para reporters khan logot Siberian city of Omsk, news conference samay janai thishe. “judi tai logot poison neshina paishe koile kam toh ami khan nemite asani hoboli thakishe. Bemar toh clear hoikena elaj be thik thiboli ase”, hospital laga senior doctor, Anatoly Kalinichenko para koishe. Authorities khan para Navalny ke elaj kora samay doctors khan pressure thakishe kowah toh doctors para nahoi koishe. Navalny laga sati khan para tai ke Germany te loikena jabole samay doctors para rokaise kowah toh botnam thishe aro koishe ke, Navalny ke elaj nemite loikena jabole toh fit te thakanai. Germany’s Cinema for Peace Foundation laga malik Jaka Bizilj, para koishe ke, Navalny kuan German hospital te elaj kori thaka toh pachibo. Tai aro koishe, “ poison para Navalny ke kamla kora toh pachibo, hoilebi tai olop moina nemite politician kuriboli komjur hobo”. Hoilebi, Navalny laga spokeswoman Kira Yarmysh para koishe ke, etai dak politician laga halat khobor notun nai. Tai hoile kuan doctor para tai ke elaj kuriase, tai khan para he khobor toh jania thibo pareh.
Add Comment