Independence bejete Ahke Maiki IAS Officer hua murise
MUMBAI, SEPTEMBER 18 : India desh kan Independence baa bejete Ahke maiki IAS Officer hua Anna Rajam Malhotra murise. Etubi tai thaka jaka Andheri, Mumbai lag ate jua kali koi kena, tai laga khor manu pora janaise. Khor manu kan porabi tai mura toh 91 sal dangor huikena murise.
Etu maiki toh Kerala laga Arnakulum District te July moina, 1927 sal te junum hua laga ase. Etubi Anna Rajam George koi kena hisabte. Aro tai Kozhikode laga School te kitab bura khotum hua bejete Chennai te Higher Education te buribole karne jaise. Aro tai etu jaka laga University of Madras koi kena mata Institute te bura (studied) huise koise.
Etu 91 sal dangor maiki toh Civil Services kam te 1951 sal pora huikena thakise. Etu bejete aro Madras Cadre nemite kam kuribole kura huise. Eneka huikena tai toh Chief Minister C Rajagopalachari laga bitorte Madras State nemite kam kura suru kurikena thakise koise.
Tai bi ekta Modern Port kobi Jawaharlal Nehru Port Trust (JNPT) koikena mata, Mumbai osor laga, banabole nemite melekena thakise. Aro etu JNPT Port banaidiya bejete tai Chairperson nemite thaka laga ase koise.
Tai bi 1989 sal te Padma Bhushan Award baa maiki ase. Aro tai bi 1982 sal te Assian Games koi kena New Delhi te thaka time te tai Rajiv Gandhi logot eke pora melekena kam kuri thaka laga ase koise.
Etu Sorkar kam kan kuri kena thaka sob pora rokha bejete (retired) tai bi last te Director, Hotel Leela Venture Ltd laga nemite thaka laga ase koise.
Add Comment