South Korea te US sepai 6 jun ke Covid-19 positive paishe

Seoul: August 25, 2020. South Korea te American Sepai choi(6) junk e Covid-19 positive thurishe, etu samay desh te bemari toh locally besi pehli ase koikena Monday din te US Forces Korea (USFK) paa janai thishe.Statement ekta te koishe ke, choi(6) jun USFK service manuh khan toh South Korea te August 10-21 darik majot te aha ase, Xinhua news agency para khobor kurishe. Char(4) jun service manuh toh US government-chartered flights para Osan Air Base te August 10 aro 19 darik te ahishe. Osan Air Base toh Pyeongtaek para 70 km jaikena South Seoul te ase. Tui(2) jun service manuh toh Incheon International Airport, west of Seoul te August 12 aro 21 darik commercial flights te ahishe. Bemar thura manuh khan ke Camp Humphreys aro Osan Air Base, Pyeongtaek chaka te isolation facilities te loikena jaishe. Sob melaikena USFK sepai bemari thaka khan toh 166 hoishe. Olop din agae te bemari cases thakileb, USFK sepai khan toh besi oshari thakina tai khan pithor te kam besi bhal para jaiase aro Covid-19 positve bemar toh 1 per cent he ase, koikena USFK para janai thishe. Monday din South Korea te 266 notun bemari cases paishe etu nemite sob melaikena cases toh 17,665 hoikena ase. Char(4) din wala ase ke, hotai casesload toh 300 neje te lamishe. Hoilebi double number howah toh 11 din hoiase keli koile Seoul aro osor Gyeonggi province te church service logot linked ase aro August moina te rally besi thaka nemite cases toh othishe koishe.