August 25, 2020. Democratic presidential nominee Joe Biden aro tai laga sati Kamala Harris, tai jun ke hotai COVID-19 test lobo, keli koile aro toh November election nemite campaign soruh nemite koikena Monday din sati ek jun para koishe. United states te coronavirus bemari toh besi spread howah nemite, Joe Biden para March moine te konuba public chaka bondh kurishe aro besi wala toh tai laga ghor Delaware te bondh kurishe. Hoilebi, jaa hafta tai Democratic National Convention samay formal nomination deya beche campaign toh tangor jaiase aro notun phase te tai laga health neem thakina former vice president toh public osor te ahi ase. Tai laga sati para koishe, Biden 77 umer aro Harris 55 umer aro key staff kuan tai khan logot lok pai thakishe, “hotai din” medical advisers laga kotha hesab te tested kuribo. “tangor sokar toh ekena thakibol lage” ek jun manuh para koishe. Reporters para Biden logot hotishe ke, tai COVID-19 test loi naa naloi, etu bemar toh coronavirus para hoi, aro Biden para naloi jawab thishe. Biden para President Donald Trump logot virus handle kura oper te botnam thishe, keli koile 176,000 Americans manuh et bemar para morishe. Campaign kura samay, Biden toh hotai masks laikena online te thiki thaki aro tai para toh manuh logot thur thakina public public health guidelines toh manishe. Etu oper te Trump 74 umer toh Biden logot Nov. 3 election te larai kuribo. Tai para virus logot besi thamali kurikena manuh osor te be mask nalakai. July moina te Trunp para public osor te first time nemite mask lakaise aro etu samay tai Americans manuh khan logot desh te bemari cases besi howah nemite face bondh kuriboli koishe.
Add Comment