Sydney: August 26, 2020. Australian para Covid-19 vaccine bona toh pre-clinical testing samay khobor bhal ase koikena janai thishe. Tai khan logot tangor besas paikena vaccine aro bona te besi bhal kam hobo koishe. University of Queensland (UQ) para koishe ke, Tuesday din te vaccine candidate toh janwar logot trials kura laga detail khobor toh olaishe koikena Xinhua news agency para janai thishe. UQ’s “Molecular Clamp” vaccine kam toh virus oper te rakite-kena body laga immune system para jawab toh bhal thishe koishe. Molecular clamp vaccine para neutralizing immune ke jawab thikena janwar laga models toh bemari manuh kuan Covid-19 para bhal hoikena thaka laga average level antibodies logot be bhal wala ase” koikena Project co-leader Associate Professor Keith Chappell para koishe. Australia te Phase 1 human trials toh July moina te soruh hoishe aro etu samay pre-clinical trial laga results toh be public logot junai thishe. Chappell para koishe ke, judi planned kora neshina hoile, vaccine bonaboli tangor kam loikena thaka toh etu saal kotom nakoa agae te soruh hoboli koishe. Chappell para aro koishe ke, “tangor challenge ekta thaka toh, vaccine toh chaka sob te joboli nemite besi bonabo parehbo naa nai etu kotha ase”. June moina te, UQ koishe ke, Australian biotechnology giant CSL logot agreement thakina vaccine locally million neshina bonaikena trial kam samay joboli koishe.
Queensland laga Innovation Minister, Kate Jones para koishe ke, vaccine toh besi bemari hatabo nemite besi important ase aro UQ team khan para date toh shared kurikena international reference standard logot melaboli koishe.
Add Comment