Agencies, 27 August: US para Chiese government members te visa bondh nakora agae te aro South China Sea laga militarization te jawab dekena Beijing par tuita missiles hamla korise.
China para Wednesday te intermediate-range ballistic missile, DF-26B toh Qinghai province para aro tusara medium-range ballistic missile, DF-21D toh Zhejiang para sea te hamla korise koise.
Global Times hisaab te, DF-26B missile para sea te pera thaka saman te targets koribole pari.
Etu khatara missile laga naam toh tai khan para ‘aircraft-carrier killer’ naam deshe.
China’s Defence Ministry spokesperson, Senior Colonel Wu Qian koise, missile para conventional nahoile nuclear warheads bokhibole paribo aro mathi aro sea te targets korikena maribole paribo.
Missile te 4,500 km laga range ase koise. etu para etu missile toh West Pacific aro Indian Ocean, aro American facilities, Guam, British island of Diego Garcia aro Australian city of Darwin tak be ponjibole paribo koise.
DF-21 toh anti-ship ballistic missile system ase koise. etu para sea te perai thaka jahash (ship) te hamla koribole paribo koise.
CCP para tuita missiles hamla kora toh Hainan province aro chamela Paracel Islands te hamla kora ase koise. Tai khan para etu hamla kora toh Tuesday din China para north coast Bohai Sea te live-fire naval drill loi thaka samai te, US U-2 spy plane toh Chinese-designated “no-fly zone” te ori thaka te jawab deya laga ase koise.
Add Comment