Kosovo toh Coronavirus laga sobse beya chaka ase

August 28, 2020. Etai samay, coronavirus thaka sobse beya chaka toh Kosovo ase koishe. Balkan desh te, 1.8 million manuh te atha toh 25 umer saal khan ase aro etu pithor te jaa hafta dak te Covid-19 bemari manuh  toh 54.2  neshina ase. Tai khan bechete second toh Colombia ase. Notun bemar olai thaka toh bhal wala ase, judi chart toh moina hesab te saile Kosovo toh top te hoboli koishe. Etu kotha pithor te sawal besi ase keli koile, tai khan bloody war samay Serbia para alak hoikena jaishe. Europe laga desh majot te Kosovo toh sobse dukai desh ase, etu samay desh toh besi beya howah nemite health system toh be besi beche te ase koishe. “bemari thaka samay, Kosovo para government te pelaise aro health minister aro konuba tangor manuh khan para kam sai thaka khan ke be kam para olai thishe”, koikena Tirana te Albanian Institute for Political Studies laga executive director, Afrim Krasniqi para janai thishe.  “Kosovo toh kali desh ase ke, tai khan para hoshari kam aro bemari nahoboli kam eku kori deya nai” koishe. May moina te virus nemite komti  restrictions kora beche, notun Prime Minister Avdullah Hoti, U.K former finance minister para July moina te Covid-19 cases besi otha nemite social- distancing toh kara kurikena othai thishe. Hoti, tai nejor ke be positive thurishe, hoilebi etai kam te jaiase koishe. Etai thaka, 140-160 notun cases toh “plateau” bemar hobo pareh koikena, World Health Organization’s liaison officer, Sergei Koryak para koishe. Hoilebi, WHO para ek din te testing toh 500 neshina othaboli kam  koriase koishe.