Covid-19: Bangladesh te schools Oct 3 dak bondh thakibo

August 30, 2020. Bangladesh te covid-19 bemari cases besi uthi thaka nemite schools aro dosura  educational institutions toh October 3 darik dak bondh thakiboli uthai thishe koishe. Olop din agae te, Government para junai thikena thakishe ke, schools toh September 30 darik dak bondh thakibo, hoilebi, etu beche statement botli korishe, koikena Friday din bdnews24 para khobor janai thishe. “etai samay, kali Qawmi madrasas jarikena sob educational institutions choti thaka toh aro October 3 darik dak uhaishe, keli koile, duniyaa laga coronavirus bemari nemite ase” Education Ministry para koishe. Bangladesh Government para desh te sob schools aro dosura educational institutions bondh koriboli toh March 17 darik te junaikena thakishe, aro etu novel coronavirus bemari nemite thakishe koishe. Olop din beche, offices, kam kora chaka aro public transport services be desh lockdown pithor te March 26 darik para bondh hoikena ase. Offices aro public transport services toh etu beche limited hesab te 66 din lockdown thakena May 31 darik te koli thishe. Bemari besi utha nemite HSC aro dosura exams be April 1 dark te loboli thaka toh be uthai thishe koishe. Government para aro be primary education completion aro etu laga exams be etu saal toh nathakiboli  koishe.