August 30, 2020. United States logot melaikena thaka biotech company Moderna para koishe ke, tai khan para Japan ke Covid-19 vaccine toh 40 million supply thiboli ase. Etu kam pithor te vaccine, mRNA-1273, toh Moderna para supply koribo aro etu beche Takeda Pharmaceutical Co. Ltd para 2021 saal soruh samay Japan ke thiboli koishe. Etu kotha kora khobor toh Friday din te Japan laga Ministry of Health, Labour and Welfare para junai thishe. Etu khobor toh eke hafta te Moderna para European Commission logot mRNA-1273 toh 80 million doses thiboli koikena thakishe. Etu toh European Commission’s goal oper te Europe desh te Covid-19 vaccines jolti te olaboli karne ase. Moina agae te, US government para Moderna logot
$1.5 billion deal kurikena tai khan para Covid-19 vaccine, mRNA-1273 toh 100 million doses bonaikena thiboli koishe. Olop din beche vaccine licensure olaboli nemite $955 million award paikena, notun khobor para toh US government para mRNA-1273 tawai toh $2.48 billion dak thiboli koishe. Agreement hesab te, US government para aro mRNA-1273 tawai toh 400 million neshina Moderna logot keniboli junai thishe. mRNA-1273 laga phase 3 study toh melaikena US National Institutes of Health (NIH) aro Biomedical Advanced Research aro Development Authority (BARDA), khan July 27 darik para soruh koikena ase koishe.
Add Comment