Beijing: August 31, 2020. China te Coronavirus bemar samay komti hoilebi, January moina para soruh hoikena 5,800 manuh ke thurikena ase. China te health worker ke morai deya, medical saman beya bekire kora nemite aro manuh khan travel history mesa kowah nemite ase koikena state prosecutor’s office para janai thishe. Ekta case te, supermarket laga dhukan malik para customer ek jun ke mask nalaka nemite marikena morai thishe. Dosura case te, ek jun manuh para medical workers ke gari para moraise, aro ek jun para toh tai logot temperatures sai thaka samay health inspector ke jaku para mari thishe. Konuba mauh ke thura toh, tai khan para coronavirus bemari manuh khan nemite poisa jama korikena thaka toh chor korishe koishe aro dosura khan ke toh health aro tai khan travel history mesa khobor deya nemite thurishe koishe. January moina para loikena July moina dak te 5,797 ke thurishe aro 6,755 manuh khan jail jaishe” koikena Thursday din te Supreme People’s Procuratorate para junai thishe. Keman jun ke thurikena ase nohoile keman jun ke saja paikena ase statement para khobor eku janai deya nai koishe. China para novel coronavirus bemari pheli thaka toh rokaboli pareh kena ase, aro etu bemari toh Wuhan central city te December 2019 te first olaishe etu nemite etai be lockdowns hoikena ase aro contact tracing besari ase aro desh osor te bemari toh sai ase koishe.
China te aro smartphone apps olaikena manuh khan bera chaka te bemari cases thaka toh thruribo nemite ase koishe. Supermarkets, cinema aro public transport chaka te mask lakaboli mandatory ase aro manuh besi para virus logot pachibo nemite bahar te lakaina berai ase. China te olop din hoishe ke, locally transmitted bemar kobor eku nai.
Add Comment