Geneva: September 1, 2020. COVID-19 vaccines jaboli emergency authorization kora toh “serious hoikena bhal para jobo lage” koikena Monday din te World Health Organization para koishe. United States khan para fast-tracking candidate drugs ase junai deya beche WHO para koishe. Sob desh para be vaccine trials kotom nahoilebi tawai toh approve koriboli right ase, “hoilebi kam toh besi thamali nahoile besi asani para naloboli lage” koikena WHO chief scientist Soumya Swaminathan para news conference samay junai thishe. U.S. Food and Drug Administration laga head para koishe ke, tai para normal approval kam toh jarikena COVID-19 vaccine toh joboli thibo, aro officials khan para bhal toh saikena risk be janiboli lage koishe.
Russia para toh etu moina te COVID-19 vaccine joboli manikena ase, etu samay tai khan tui(2) moina neshina manuh logot testing loishe, hoilebi dosura Western experts khan para vaccine toh safety aro efficacy hoina nahoi sawal korishe. WHO para bhapana kora toh vaccine pre-qualification thaka samay data toh full set thakibole Swaminathan para koishe. Etu bechete WHO para vaccine toh safe aro bhal naa nahoi janibo koikena tai aro koishe. WHO para experimental tawai toh Africa te Ebola bemari samay jolaise, aro etu tawai para kam hoishe koikena head of the organisation’s emergencies programme Mike Ryan para janai thishe.
Tai para aro koishe ke, full trials naloikena fast-track approach kora toh hoile, bhal para saikena safety kam koriboli lage, aro judi problem olaile, jolti rokai thiboli lage.
Add Comment