Canada te 30 Covid-19 cases paishe

(CNN) September 2, 2020. Canadian karaoke bar te Covid-19 bemari laga 30 cases paishe aro fine kuribo neshina ase koishe. Sob confirmed cases toh Quebec City te Bar Le Kirouac para ase koikena Regional Public Health Department Quebec’s capital region (CIUSSS) para Tuesday din te janai thishe. “ami para public security logot hota hoti kurikena criminal cases hobo naa nai sai ase’, koikena Tuesday din Health Minister, Christian Dubé para press conference samay junai thishe. Quebec para fine loboli neshina ase koishe. “manuh khan hoshari thakibole kam ase. Tai khan para hokom toh besi bhal para jani ase. Etu manuh para hokom logot thamali korishe,” Minister Dube koishe. “ami khan karaoke laga kotha kori ase, manuh khan para bhapana te sati khan thaka nemite ase koikena tai khan relax hoishe, mask kolishe, microphone pass kori thakishe aro osor para gaana kori thakishe,” koikena minister para aro janai thishe. “Etu manuh khan toh enjoy kori thakishe, hoilebi, etai samay etu kori thakibole nahoi”. Bar laga Facebook page te post kurikena thaka toh: Bar laga malik para koishe ke, baro toh September 9 darik dak bondh kuribo aro staff manuh ke positive thura beche bar toh disinfections kuribo. Tai khan para aro koishe ke, kuan manuh khan etu chaka te jaishe tai khan logot test koriboli koishe. Canada te sob melaikena Covid-19 bemari cases toh 129,425 ase koikena desh laga website para junai thishe. Quebec Province laga capital toh Quebec City ase aro desh laga sob  melaikena 62,614 bemari cases pithor te atha toh etu chaka para ase, koikena website para thikaise. Monday din laga update para thika toh Province te, virus para 5,762 manuh morikena ase koishe.