Japan para desh ke COVID-19 vaccine free thiboli bhapana ase

September 2, 2020. Japan para tai khan desh manuh sob logot COVID-19 vaccines free para thiboli ase, koikena Wednesday din te Kyodo news para khobor junai thishe. Etu bhal kam koriboli nemite, Japanese government khan toh COVID-19 vaccines toh aha saal majot te olaboli bhapana ase koishe. Etu samay, Monday din Japan para emergency support nemite loan 50 billion yen (almost Rs 3,500 crore) India ke coronavirus bemar larai nemite thiboli ase koishe. Japanese ambassador Satoshi Suzuki aro India laga additional secretary department of economic affairs, CS Mohapatra para kotha koikena COVID-19 emergency nemite loan laga kotha koishe. “COVID-19 bemari spread kora nemite Government of India para kam besi koriboli ase, etu oper te Prime Minister Modi’s leadership pithor health sector reforms be ase koishe. Etu loan para India te COVID-19 larai kuribo nemite emergency funds thiase koikena Japanese Embassy para statement te janai thishe. Loan laga terms aro conditions te, interest toh 0.01per cent per annum thakibo aro 15 saal nemite ase aro etu pithor te grace period toh char(4) saal ase koishe. Suzuki aro Mohapatra para aro kotha koishe ke, Japan’s Official Development Assistance scheme te India’s Economic aro Social Development Programme nemite poisa toh Japan laga 1 billion yen thakibo. “etu programme te Government of India logot Oxygen Generators be thibo. Oxygen Generators toh COVID-19 bemari manuh ke elaj kora samay joboli ase. Etu programme para aro India te beya bemari thaka toh takot kuribo nemite ase aro health aro medical systems be sabo nemite ase koikena, Japanese Embassy para janai thishe.