PIA para aro 74 manuh ke hataishe

Islamabad: September 3, 2020. Pakistan International Airlines (PIA) para aro 74 kam kora manuh ke hataishe, etu manuh toh mesa degree, drug smuggling aro tai khan laga kam te mon naa deya nemite ase koikena media para khobor thishe. Jaa moina 74 kam kora manuh ke national carrier para hataise, etu pithor te 27 jun logot mesa degree thakishe aro 31 jun toh kanoon te nathaka kam korishe, 6 jun hokom beya korishe, 4 jun toh saman beya korishe, 1 jun ke drug thurishe aro 3 jun para government record chor korishe, koikena PIA officials para Express Tribune newspaper logot koishe. Dosura 2 jun manuh he toh ‘illegal activities’ nemite hataise. Tai khan pithor te, 4 jun kam kora manuh ke demote korishe aro 11 jun ke alaj-alaj kam nemite sajai thishe, khobor para koishe. Etai, 3 moina pithor te sob melaikena airline para kam hatai deya manuh toh 177 hoikena ase, khobor janai thishe. PIA para staff  pithor te ‘saba kori ase’ etu kam toh Aviation Minister Ghulam Sarwar Khan para May 22 darik te Karachi plane crash kora beche soruh korishe. Domestic flight toh Lahore para Karachi jaa samay Karachi osor Jinnah International Airport te manuh thaka bulding oper te crash hoishe. Aviation minister para investigate korikena pilots aro traffic control nemite 97 manuh mora nemite tai khan ke botnam thishe. Khobor para koishe ke, etu nemite airline kam te sob botli koriase koishe.