Pakistan para Tinder, Grindr aro dosura app ban korishe

September 3, 2020. Pakistan para komti hoilebi pasta(5) online dating/live streaming mobile applications aro etu pithor te Tinder aro Grindr be banned kori thishe. Koishe ke, etu apps para manuh khan logot “bhapana beya aro kam beya kori dey” nemite banned kora ase. Press release te, Pakistan Telecommunication Authority (PTA) para koishe ke, etu pasta(5) app–Tinder, Tagged, Skout, Grindr aro SayHi laga management khan logot khobor thishe aro dating services toh hatabole koishe.  Etu pasta (5) application khan para jawab nakora nemite, Authority para blocked koriboli hokom thishe. Authority para aro koishe ke, judi companies khan para locals laws manikena jalabo koile toh tai khan ke application block koriboli thaka toh saiboli janai thishe.