September 3,2020. UN Secretary-General Antonio Guterres para duniyaa laga leaders logot koishe ke, international peace aro security nemite COVID-19 toh game-changer hoishe. Duniyaa toh etai COVID-19 nemite peace aro security toh beya hoishe aro ulta-pulta laga notun chaka” te ase koikena UN chief para virtual meeting samay duniyaa leaders khan logot Wednesday te janai thishe, Xinhua news agency para khobor toh thishe. International meeting te desh laga leaders khan kotha kora samay, terrorism aro violent extremism logot larai hoboli toh melibo laga koishe. Aqaba Process nemite etai bemari toh duniyaa laga health crisis logot be beya wala ase, koikena UN secretary-general para janai thishe. Aqaba Process toh 2015 saal Jordanian city te King of Jordan, Abdullah II, para soruh kora ase, tai khan para extremism aro terrorism oper te international cooperation toh tangor koeikena kam koriboli bona ase koishe. “etu toh peace aro security nemite game-changer” ase, UN chief para koishe aro etu para melikena thakiboli aro thik rasta jaboli motob thibo koishe. Meeting toh via teleconference loishe aro etu samay, Nigeria, Philippines, Kenya, aro Bulgaria laga Presidents khan thakishe aro Canada, Bulgaria, aro Albania laga Prime Ministers be thakishe aro etu oper te UN and Interpol secretaries-general aro NATO laga deputy secretary general be thakishe koishe. Guterres para koishe ke, international tensions toh supply chain disruptions, protectionism nationalism para hoi koishe, etu oper te unemployment, food insecurity aro climate change khan be uthai dey koishe.
Bemari para nemite bioterrorism aro cyber-attacks besi olai ase koishe.
Add Comment