South Asia COVID-19 nemite maiki manuh besi dhuk hobo

United Nations: September 3, 2020. South Asia te Female poverty rate toh 2021 saal te COVID-19 bemari nemite besi uthibo koishe. Etu samay, motha manuh logot be maiki manuh 25 para 34 umer khan besi dhukia hobo koikena United Nation para notun date te junai thishe. UN Women aro UN Development Programme (UNDP) para koishe ke, COVID-19 bemari para maiki manuh khan ke besi jobo aro 47 million neshina maiki manuh toh 2021 saal para loikena besi dhukai hoboli koishe. Gender Equality para COVID-19 nemite koishe ke, grnder poverty gap toh South Asia te besi beya hoboli ase. Central aro Southern Asia aro sub-Saharan Africa desh te 87 per cent dhukai manuh khan toh besi tangor dhukai uthibo aro etu oper te 54 million aro 24 million manuh khan toh internation dhukai line te bemari nemite thakibo koishe. “South Asia te dhuk toh uthiboli ase, keli koile bemari samay economic para thika hesab te maiki manuh ghor te thaka khan toh olop din agae te dhu para pachikena ase, koikena Wednesday din khobor olaishe. Bemari naola agae te, South Asai desh laga bhapana dhuk rate toh 10 per cent 2021 saal te hoboli koikena thakishe, hoilebi etai toh 13 per cent te uthishe koishe. “etu oper te bemar naola agae te, 2030 saal para toh Duniyaa te dhukai maiki khan toh 15.8 per cent he South Asai te thakibole thakishe, hoilebi, project toh aro bona beche figure toh 18.6 per cent te uthaise” koikena khobor para koishe. Etu samay, sub-Saharan Africa aro South Asia desh toh besi beya hobo, “South Asia te motha manuh logote maiki manuh besi dhuk hobo. 25 umer para 35 umer dak te, 118 maiki manuh aro 100 dhukai motha manuh toh South Asia para thakibo, aro ratio toh 2030 saal te 100 motha manuh pithor te maiki khan 129 jun dhukai thakibo. Hoilebi, hosa te toh, number toh etu logot be besi wala hobo, judi government para bhal saikena kam nakorile koishe.