Wellington, New Zealand: September 4, 2020. New Zealand te tin(3) moina neshina thaka beche, coronavirus para first manuh morishe. Friday din te etu manuh laga umer toh 50s neshina te virus para morishe. Health officials para koishe ke, etu manuh mora toh jaa moina Auckland te second wave ahikena thaka para ase. South Pacific desh te 102 din toh community transmission nathakina thakishe. Friday te Auckland laga Middlemore Hospital te morai toh konti korikena New Zealand te virus para manuh mora toh 23 hoishe. Jaa paar manuh mora toh May 24 darik te thakishe koishe. “ami koi as ek New Zealanders khan aji laga khobor para besi mon dhuk thakibo, manuh khan oper te be aro ghor manuh nemite be aro whanau (ghor manuh) tai mora oper te besi mon jenta thakibo”, koikena health chief, Ashley Bloomfield para statement te janai thishe. “ami khan laga bhapana aro parthana toh tai laga ghor manuh aro community logot ase”.
Auckland te, ghor manuh pithor te bemari 4 jun para 152 hotikena ase aro Friday din te be tinta(3) cases khobor paishe. Auckland te tui hafta atha lockdown thakikena be virus toh hataboli dhuk ase aro Sunday rati te he lockdown kotom hoishe. “Covid-19 logot linked thaka aro manuh moriboli laga khobor toh paikena ase”, Bloomfield para koishe. Auckland te thaka manuh khan ke etu hafta para ghor bahar te olaboli thishe. Government para city te thaka 1.5 million manuh pithor te 10 jun oper jama hoboli thibo aro desh pur laga Public transport te mask lakaboli compulsory ase koishe. Friday din te Health authorities khan para koishe ke, manuh mora khobor naa janai agae te desh te restriction toh September 16 darik dak thakibole junaikena thakishe.
Add Comment