Bangladesh: Hindu maiki khan mota mora beche saman babo

Dhaka: September 4, 2020. First time nemite, Bangladesh te Hindu maiki khan judi mota morile, agricultural aro non-agricultural mati pari babo tai mora beche koikena top court para junai thishe, media para khobor thishe. Wednesday din Bangladesh High Court para koishe ke, agricultural aro non-agricultural mati pari te alag-alag kori deya nai. Etu nemite Hindu maiki mota mora khan tai khan mota laga mati loboli rights ase koikena Daily Star para khobor koishe. Etai thaka hokom te, desh te Hindu maiki mota morijaa khan kali ghor saman he bai dosura saman neshina mati pari toh napaikena ase koishe. “Hindu maiki khan tuita rights be ase- – mota laga saman neshina  agricultural aro  non-agricultural mati pari loboli. Maiki para tai jeenta thaka samay mati toh bekeri koriboli be rights ase,” koikena court para hokom deya toh khobor para koishe. Khulna district para civilian Jyotindranath Mondal para civil revision petition filed kora beche High Court para fesla kora ase aro lower court laga fesla te challenge korishe koishe. March 7, 2004 saal te, Jyotindranath para case filed kora nemite Khulna laga joint district judge para felsa thishe. Etu samay Jyotindranath laga dada Avimannu Mondal laga maiki Gouri Dasi logot agricultural land toh tai mota mora nemite baboli ase koishe. 1996 saal te Avimannu mora beche, Mati toh Gouri laga nam te record kurikena ase.Jyotindranath para Khulna te assistant judge laga court te 1996 saal te case file korishe. Mati toh Gouri Dasi nam te ase koishe.