SEPT 4, 2020: Union education ministry para data ola hisaab te akhe wala tin din laga JEE Mains Examination te komti hoilebi 114,563 students khan nishena dianai .
Thursday din laga data ola te Akhe tin din te 458,521, kun khan Joint Entrance Exam (JEE) Mains dibole nimete registered kurikena thaka te khali 343,958 khan exams dibole jaishe.
Students khan bhui khaa toh examination dibole nimete COVID19 pandemic samay te drop out rate kuntu toh komti hoilebi 25%, nishena namai dishe aro scheduled examination dates bodli kuribole nimete mangishe.
Union education ministry data hisaab te 61,366 students khan JEE Mains Examination September 1 te dishe aro aha din te 1,41,372 students khan exam dishe.
September 3 te national level entrance exam nimete komti hoilebi 141,220 students khan dishe.
Etu te aspirants khan 54.67% toh examination nimete buishe day one te aro etu te 81 percent day 2 aro three te buishe.
JEE Mains laga attendance sheet akhe wala tin din nimete dikha te tai laga twitter handle te Union education minister Ramesh Pokhriyal Nishank koishe etu toh bishi khushi kotha ase students khan exam dibole nimete aha toh coronavirus pandemic huwa pichede bi.
Nishank koishe “ yete ase JEE Main laga tin din laga attendance sheet ase .bishi khushi ase bishi students khan Yagna te aha nimete etu bi COVID-19 pandemic samay te AatmaNirbhar Bharat bonabole nimete.”
Minister koishe “ami para sob cheif minister khan ke dhandyaabad janaidishe tai khan laga support nimete etu bi students khan laga carreers toh dikdaar nadibole nimete.”
JEE Mains Examination akhe wala large scale exam pandemic samay te luwa toh September 6 tak chulabo.
JEE Mains and NEET exams khan nimete protest kurishe exam toh akhe kuridibole nimete National Testing Agency (NTA) koishe examination toh schedule hisaab te lobo students khan laga academic interest nimete.
JEE Mains Examination nimete NTA para examination centres laga number toh 570 thaka toh 600 te uthadishe.
Add Comment