September 13,2020: Meghalaya power minister James K Sangma kun Imphal Saturday din te Rapid Antigen Test te COVID19 positive paa laga pilot car toh Nagaon Assam shillong te jaa samay te accident hoishe.
Etu accident toh Sunday phujur te hoishe.etu te charta constables khan kun khan Meghalaya minister’s pilot car te thakishe etu accident te jhokom paishe.
Etu news confirm kurikena Nagaon superintendent of police Gaurav Abhijit Dilip para Northeast now ke koishe “Nonoi te etu accident hoishe .etu pilot car para truck ke pichede para marishe aro char jun policemen jhokom paishe.”
Nagaon police chief para khobor dishe ki etu jhokom paa sob Meghalaya Police personnel khan Nagaon Civil Hospital te elach loi ase.
IPS officer Dilip koishe ki Nagaon Police para dusra pilot car arrange kurishe aro minister James Sangma shillong nimete jaishe.
Tai aro koishe “etia etu charta policemen khan ke bi hospital para olaishe aro shillong te jaishe.”
Etu pilot car kuntu toh accident hoishe etu laga registration number toh ML-02-5522 ase.James K Sangma, kun Meghalaya chief minister Conrad K Sangma, laga dangor dada ase Manipur Saturday te positive test paa pichede shillong te RT-PCR retest lobole manishe.
Etu hadsaa laga details khan rukhi ase.James toh Manipur te Meghalaya chief minister Conrad K Sangma logote jaishe political engagement nimete aro new National People’s Party (NPP) office Imphal Saturday te khulibole nimete jaishe.
Sources Bir Tikendrajit International Airport Imphal te thaka koishe Meghalaya power minister laga sample toh positive test paishe Rapid Antigen Test, samay te hoilebi but chief minister Conrad Sangma toh negative test paishe .
Sources aro koishe Meghalaya minister toh asymptomatic ase. July 24 te James aro tai lag ghor manu khan negative test paishe etu bi tai laga driver toh positive test paa pichede Rapid Antigen Test luwa samay te.
Add Comment