KOHIMA, SEPTEMBER 20 : Chief Minister Neiphiu Rio pora kun-kun Chief Minister’s Relief Fund (CMRF), Nagaland te poisa chama kuridese etu kan ke besi khushi baa janaide thakise. Thirteenth Nagaland Legislative Assembly, 20th September 2018, jua kali pujutte 2nd Session mana time te kotha kurikena etu CM Rio pora Nagaland Legislative Assembly laga members kan sob aro ami kan Nagaland laga manu kan sob aro ami kan desh laga manu kan sob ke khushi baa janaide thakise. Kele tai pora etu CM Relief Fund nemite poisa chama kuribole kotha janaidiya ke ekdam bhal te ahkete ahe kena poisa chama kuribole kurise koi kena.
Etu kan sob oporte tai bi Sushant Singh Rajput, ekta bhal Bollywood Actor ke besi khushi baa janaide thakise. Kele tai Dimapur te ahe kena cheque pora Rs. 1.25 crore toh etu CM Relief Fund nemite debole kura karne koi kena.Tai bi M/s AirPay ke besi khushi baa janaise. Kele etu M/s AirPay pora hi online porta kan CM Relief Fund nemite banaidiya laga ase aro ulaidiya laga ase koi kena. Etubi alak-alak channels kan kobi Netbanking, Credit Card, Debit Card, Amazon Pay, OLA Money, Jio Money aro Mobikwik kan ulaidiya karne. Etubi online pora transaction kura time te eku poisa kan namange kena (without any fee charges). Aro etu kan channels kan pora hi 4,857 lakhs jun manu kan pora Rs. 48.17 lakhs poisa chama kuribole bara laga ase koise.
Tai bi PayTM ke besi khushi baa janaise. Kele etu PayTM pora bi CM Relief Fund nemite poisa chama kuribole karne ekta rasta dese. Aro etu pora 34,803 jun manu pora melekena Rs. 53.41 lakhs chama kuribole laga ase koi kena. Etu kan sob oporte CM Relief Fund nemite bi Rs. 108.11 lakhs poisa toh shita Bank Account te ahese. Aro tai bi tai kan PDA Sorkar laga MLAs aro tai kan Party Functionaries kan pora bi etu CMRF nemite poisa toh 1 moina dhanka laga poisa chama kuridese koise. Aro tai bi Sorkar kam kura kan, alak-alak Organisations, Associations, Corporate Entities aro tusera sob logot etu poisa chama kuri kena Rs. 79.52 lakhs poisa chama kuridiya karne besi khushi baa kotha janaide thakise koise.
Tai bi last kotha khotum kuridebole time te tai kan Sorkar kan ekta Committee toh Additional Chief Secretary & Finance Commissioner ulabo. Aro etu Committee kan pora etu poisa Fund nemite chama kura kan toh bhal te ekta hisab kurikena julabole kuribo koi kena janaide thakise. Aro etu oporte tai kan bi ekta Mass Social Work koi kena etu chamala time te ki-ki saman aro tusera chis kan biya kuridiya kan nemite bhal te saidebole karne (restoration) manabole kuri ase koise. Etubi 29th September 2018 pora suru kurikena 2nd October 2018 dak sob Districts aro ADC Headquarters te. Kele etu Social Work pora 150th junum din, Mahatma Gandhi laga logot eke pora manabole kura huijabo koi kena.
Add Comment