United Nations: September 17, 2020. Thursday din te UN food chief David Beasley world’s billionaires khan ke 30 million manuh ke bachaboli koishe. Tai para judi World Food Programme khan laga motob napaile toh manuh khan moriboli besi risk te ase koishe. Duniyaa te, 270 million neshina manuh khan besi dhuk te ase aro WFP laga besas ase ke, etu saal pithor te 138 million manuh logot pongchiboli koishe. Beasley para UN Security Council logot koishe ke, “ami khan manuh logot kelaboli $4.9 billion lage, ek saal te WFP para motob koranai koile 30 million manuh muribo” Beasley aro koishe, 2,000 billionaires khan $8 trillion poisa ase aro tai khan bemari samay billion poisa kamaishe.“ami manuh khan laga poisa logot kelaaf kora nahoi, hoilebi manuh khan besi dhuk paiase aro ami khan para thiki ase,” koikena former South Carolina governor para koishe. Sob melaikena America billionaires khan United States te novel coronavirus bemari ola beche 19% nohoile half a trillion te uthishe, koikena khobor ekta June moina te Institute for Policy Studies (IPS) para olai thishe. 11 hafta beche, March 18 darik te ketai United States te lockdown soruh korishe, Amazon.com Inc founder Jeff Bezos laga dhun toh $36.2 billion te uthishe, etu samay, Facebook Inc CEO Mark Zuckerberg’s laga dhun be $30.1 billion te uthishe. Aro Tesla Inc Chief Executive Elon Musk laga poisa toh $14.1 billion te uthishe koishe. “etai samay ase ke, kuan manuh besi dhun ase, tai khan para Duniyaa history te nathaka manuh ke motob koriboli lage” koikena Beasley para koishe. “Duniyaa para etai tumi khan ke laki ase aro etai bhal kam koriboli samay ase”.
Add Comment