China te bacha khan ke Sept 28 te COVID-19 test lobo

September 17, 2020. Chinese vaccine bona company Sinovac Biotech khan para September 28 darik te bacha khan logot  Covid-19 vaccine clinical trial toh soruh hoboli bhapana ase koishe. Sinovac para 90 per cent neshina vaccine toh company te kam kora manuh aro ghor manuh ke thikena ase. Company para koishe ke, trial loboli Chinese regulator khan para approved thishe. Khobor hesab te, 552 healthy participants, 3 umer para loikena 17 umer khan tuita(2) doses US-listed Sinovac’s CoronaVac lobo aro etu oper te Phase 1 aro Phase 2 trial toh September 28 darik te northern Chinese province of Hubei te thakibo. China para Covid-19 vaccine candidate toh experiment nemite  tai khan laga tens of thousands manuh khan ke vaccine toh thalikena ase. Tai khan laga kam toh international interest nemite ase. Hoileni experts khan para tawai toh safe hobo naa nai bhapana te ase, keli koile standard testing kora aro kotom kora nai. Programme oper te, CoronaVac toh brazil, Indonesia aro Turkey te tangor chaka te final test koriase, aro tai khan chaka te be company laga manuh aro tai khan ghor manuh ke 90 per cent neshina thikena ase koishe. Sinovac para etu moina agae te koishe ke, CoronaVac toh safe ase aro umer tangot manuh logot antibodies olaiase koishe. Hoilebi, jawan manuh khan para olop komti wala thikai ase koishe.