Pakistan te coronavirus vaccine clinical trial soruh hoishe

Islamabad. September 22. 2020. Pakistan para China laga Covid-19 vaccine toh stage three clinical trials soruh korishe koikena Tuesday din National Institute of Health (NIH) laga Executive Director Aamer Ikram para junai thishe. press conference thaka samay, official para koishe ke, desh pura te vaccine toh 8,000 para 10,000 volunteers khan logot lobo aro final result toh choi(6) moina neshina thakina olabo, Xinhua news agency para khobor toh koishe. Etu result beche, Pakistan te general public khan logot deya soruh koribo koishe. Tai aro koishe ke, vaccine toh janwar logot safe ase fesla hoikena ase aro etai manuh khan logot be safe hoboli tangor bhapana te ase. Desh Prime Minister laga Special Assistant National Health Services,  Faisal Sultan para media logot koishe ke, jodi vaccine clinical trial toh kayaab hoile, Pakistan elak nahoikena Duniyaa sob faida hoboli koishe. Sultan para aro koishe, vaccine trail toh Pakistan nemite besi kam ase keli koile, etu para desh ke takot thikena dousra bemari logot be larai koribo parehbo. Pakistan laga drug regulatory authority para etu vaccine ke trail loboli manishe aro kam toh NIH laga pithor te saikena koribo. Pakistan te etai dak coronavirus bemari cases toh 306,000 ase aro 6,420 manuh morikena ase koishe.