September 22, 2020. USA te New York City laga top police official logot tai China nemite agent kori ase koikena botnam thishe. Baimadajie Angwang toh Tibet te jonom kora ase aro tai para New York te intelligence khobor toh Tibetan community logot thishe, BBC para khobor thishe. US citizen kaun police department community affairs unit te kam kori thakishe, Monday din te thurishe. Judi tai kalti kam korikena thakile, komti hoilebi 55 saal nemite jail jabole koishe. Prosecutors para koishe ke, Angwang toh civil affairs specialist neshina the US Army Reserve te be kam koriase. Tai ke thura toh tai para tuita(2) Chinese consulate logot contact thaka nemite ase koihse. Desh te Tibetans khan logot khobor deya oper te, tai para consulate te NYPD officials logot matikena official events be thakishe. Angwang ke wire chor kora te be thurishe aro mesa kotha koikena official kam be rokai thakishe. Court documents para koishe ke, tai para “PRC [People’s Republic of China]” logot wire besi transfer kori thakishe. Documents para aro koishe ke, tai laga baba toh China army aro Communist Party of China te retired member thakishe. Tai laga ama be party te member ase aro former government official thakishe koishe. Baimadajie Angwang para desh te tai kosom kaa toh mana nai. Ekta toh United States logot, dosura toh US Army logot aro tinta wala toh Police Department logot”, ase koikena NYPD Commissioner Dermot F Shea para statement te janai thishe.
Add Comment