Agencies, 26 September: Friday te Japanese Prime Minister Yoshihide Suga para United Nations General Assembly te koise, Japan toh aha sal 2020 te Tokyo Olympics host koribole gara fesla ase. Etu agae te games toh coronaivus pandemic nemide postpone kora bechide.
Games toh etu summer nemide scheduled kora thakise hoilebe ek sal nemide International Olympic Committee aro Japanese government para postpone kora thakise.
Suga para recorded message te koise, “Ahibole sal laga summer te Japan toh Tokyo Olympic aro Paralympic Games host koribole gara fesla ase kelay koile humanity para pandemic te kamiyaab kora nemide.
Suga toh etu moina prime minister howa thakise. Etu agae te shinzo Abe toh gao thek nahowa nemide post para nama thakise. Friday te Tokyo Olympic laga Organizers para ahibole laga Summber Games te staff number komti korise aro training venues nemide khula samai katha korise. Etu toh pandemic samai phal event lobole plan kora laga part hisaab te ase.
Suga para U.N. assembly te tai toh North Korean leader Kim Jong Un logode eku preconditions nathakikena lok koribole daiyar ase koise. Tai para etu kowa toh poila besi sal agae te North para Japanese citizens ke kidnap kora issue opor te thek koribole nemide ase. Tai para be Japan aro North Korea majode phal sambaan bona para khali tuita side laga interest ekala nahoi kena regional peace aro stability nemide dangor motob powa thakibole ase koise.
Add Comment