Agencies, 01 October: Kolkata Knight Riders (KKR) para tai khan laga second match toh jai thaka campaign te jetishe. Tai khan para Wednesday din Dubai International Stadium jaga te Rajasthan Royals (RR) kelaaf 37 runs para jetishe.
Rajasthan para toss jeta bechide Kolkata te bat first koribole deshe. Shubman Gill (47) aro Eoin Morgan (34*) para team (KKR) ke agae loijaise aro 20 overs bechide tai khan 174/6 loise. Rajasthan para ketha te, tai khan laga batting overs toh joldi para kera thakise kelay koile Steve Smith aro Sanju Samson toh powerplay pithor te dismissed howa nemide. Kolkata para 11 overs te tai khan ke 67/6 he lobole deya thakise aro tai khan laga opponents para 20 overs te 137-9 he loikena kothom howa nemide jeti loise.
Rajasthan Royals (Playing XI) te: Jos Buttler(w), Steven Smith(c), Sanju Samson, Rahul Tewatia, Robin Uthappa, Riyan Parag, Jofra Archer, Tom Curran, Shreyas Gopal, Ankit Rajpoot aro Jaydev Unadkat ase.
Kolkata Knight Riders te: Shubman Gill, Sunil Narine, Nitish Rana, Dinesh Karthik(w/c), Eoin Morgan, Andre Russell, Pat Cummins, Shivam Mavi, Kuldeep Yadav, Varun Chakravarthy aro Kamlesh Nagarkoti ase.
Add Comment